ترحيب

نرحب بكم زوارنا الكرام وندعوكم للمساهمة بمشاركاتكم الجميلة

المتابعون

اعجبني

My Great Web page

الأحد، 10 يوليو 2011

راح أحتفظ بيهه وما أكول أرقام


راح أحتفظ بيهه وما أكول أرقام
أخاف أحجيلكم وتصيبكم هبطه
وما أحجي عالبوك وأذكر الفرهود
أخاف أحجي البكلبي وأوكع بورطه
ناس تحوسم وعدهه اللّغف مشروع
لأن سبحه بديهم صارت السلطه
ولأن يحموهه ساسه وسفلة ودستور
وما تكدر حرامي تحاسبه الشرطه
فد مرّه مقـاول ربح بس مليـار
إنقهر حيل إعله روحه وإنضرب جلطه
والغش جان نزوه وجان شي محدود
أخبرك صار أساس وحايط وخبطه
إنتهت شغلة صفر والواحد وأرقام
والتزوير أصبح هسّه بالنقطه
إذا زنكين تكدر تشتري القانون
وبكيفك عليه لشرطك إتشرطه
وإذا إنته مقاول top والعباس
ياهو اللي إبالك تكـدر تحنطه
والماله نفوذ وعرف يم مسؤول
خل يحذر يفكر يرتكب غلطه
لأن قانون عدنه عالفقير إستاد
ولللأستاذ هالقـانون يتمطّه
يكولون الوكت أفضل من اللي جان
بس صعبه الوطن مانرتوي بشطه
مو عدنه وطن ما تشبهه الأوطان
بتاريخه وعلومه ودينه ونفطه
ياوسفة ناس طكّت روحهه من العوز
وماعدهه لحـاف البيه تتغطه
وآنه أعرف كلامي يزعّل ومكروه
ويجوز أنخطف هسه وأنكتل سنطه
وضدي أسمع كلام وتهم حيل هواي
ارهابي ملحد وشتحتاج هالخلطه
ويجوز أنحبس والتهمه طول لسان
كاتب شعـر شعبي يتهم سلطه
ويجوز يردني واحد كلبه ماملجوم
ومن حقه اليمعمع عنزه جوّه إبطه
كلنه إنتهت ذيج وبالأجن نرتاح
أشو كلمن أصحابه وجمعته ورهطه
ناس أنطت العدهه وماخذت قيراط
وواحد إخذ كلشي وكلشي ما أنطه
ياهو اللي تلزمه يكولك مسؤول
وحـراس وخدم إتشيلّه الجنطه
سد السير وأنعل أبو اللي يجتاز
مانعرف شبيهه ؟ إمظلّله البطه
وما نعرف حماهه من الرجل والله
ياهو اللي تلزمه يكول آنه أسطه
كبل جان الوطن غركان واستبداد
إجه النوب الفساد وجمّل الغطّه
إذا واحد يعمّر ميّه اليهدمون
ونمشي وخطه ماكو وتاهت الخطّه
شتعدل ؟ لون مالت لا تكول شلون
الاعوج يبقه أعوج وين متحطّه..!!

ليست هناك تعليقات:

إرسال تعليق