هذا دمعك لو ندى فوكَ الخدود
عمري ماشايف جفن يمطر ضوه
جامع بوجهك جمر زائد ورود
وشوف ربك من سمح حطهن سوه
الله من صبك سند خصرك بعود
أشلون من تميل ميكسرك هوه
يل عينك بحيرة بكل هدوء الليل
ودموعك نوارس لو مشت عل الخد
وعلى أخدودك صور منقوشه من بوسات
أكَلب بالصور ما بايسك أحد
اخذ مني وعد واطمأن وارتاح
ما ناسي عيونك ولا راح انساك
واني انطيت كلمه وما اتصير اثنين
اضل طول العمر يا بعد عمري اهواك
وقلبي العاف جسمي وصار بيك يعيش
يبقه شما يطول العمر قلبي وياك
وابقه اني الوفي الما ينسه حبه بيوم
وابقه اني حبيبي الغالي عد عيناك
ليست هناك تعليقات:
إرسال تعليق