بين أيديكم (( أبوذيات غزلية مختارة )) .. يا رب تعجبكم ؟؟؟

بين أيديكم (( أبوذيات غزلية مختارة )) .. يا رب تعجبكم ؟؟؟

تتميزين باكثر .. من صفة انتي

جذابة وجريئة .. ومنصفة انتي

صدگي البارحة انتي .. من صفنتي

صفن گلبي وبعد ما نبض بيه !!!

شأوصّف بيك يالكلك .. ملذات

حبك مالي الي المهجة .. مله الذات

بدونك صدگ اللگمة .. ملذت

وصبح طعم العسل علگم عليه

حلمي انته ويقيناً .. حلمك آنه

ومكانك ماكو واحد .. حل مكانه

حل بس هذا ماكو .. حل مكانه

نعيش إبيت واحد للمنيه

أظلمي ابراحتچ واقسي .. وجوري

يالخدچ جمع نرجس .. وجوري

خادم عندچ اخذيني .. واجوري

بوسة من الشفايف كل مسيه

حبيبي ولا محب بعده .. وقبله

جميل وللحسن آية .. وقبلة

يناس ومن احضننه .. واقبله

أحس الدنية صارت ملك اديه